မိတ်၊ ရန် ရွေးချယ်ပေါင်းသင်းဆက်ဆံမယ်
အိန္ဒိယနက္ခတ္တဗေဒပညာအရ ဇာတာရှင်နှင့် ရန်ကျသော ရန်ဂြိုဟ်နေ့နံသားသမီးကိုရှောင်နိုင်ခြင်း၊ မိတ်ဖက်ကျသော မိတ်ဂြိုဟ်နေ့နံ သားသမီးကိုပေါင်းခိုင်းခြင်းဖြစ်သည်။သာမန်အားဖြင့်မိတ်ဖြစ်စေ၊ရန်ဖြစ်စေမည်သည့်နေ့နံသားသမီးနှင့်မဆို ပေါင်းသင်းနိုင် သော်လည်း အလုပ်အကြံအစည်၊ စီးပွားရေး၊ အိမ်ထောင်ရေးကိစ္စ များတွင် သင့်သောနေ့နံ၊ အကျိုးပြုနိုင်သောနေ့နံသားသမီး များနှင့်ပေါင်းသင်း ရလိမ့်မည်။ ဇာတာရှင်၏မွေးနံနှင့်ပေါင်းသင်းမည့်သူ၏နေ့နံသင်၊ မသင့်ကို စိစစ်ရခြင်းဖြစ်သည်။ မြန်မာပြည်ဖြစ်၊ မြန်မာ ဗေဒင်ပညာ အယူအဆဖြစ်သော အောင်ပ၊ ကုလား၊ ဆွေသား၊ နောင် ရင်း ဟူသော မိတ်ဖက်။ အုန်းညို၊ ခေမာ၊ သုတာ၊ ဝေရီ ရန်စီစီ ဟူ သော ရန်ဖက်၊ ဓမ္မာ၊ သောက၊ အင်းဝ၊ ရာဇာ အိမ်ထောင်ဖက် အသက်မရှည်ရာဟူသော ကိန်းတို့ ကို ဖော်ပြလိုရင်း မဟုတ်ပေ။
တနင်္ဂနွေနေ့ဖွား ဖြစ်လျှင်
တနင်္လာ၊ အင်္ဂါ၊ ကြာသပတေးနေ့ဖွားများနှင့် မိတ်ဖက်ဖြစ်သဖြင့်ပေါင်းသင်းပါ။သောကြာ၊ စနေနေ့ဖွားများနှင့် ရန်ဖက်ဖြစ် သဖြင့်ရှောင်ပါ။ အခြေအနေအရပေါင်းသင်း ဆက်ဆံရပါက ယုံကြည်စိတ်ချစွာ မပေါင်းသင်းအပ်၊ သတိထားပေါင်းပါ။ ဗုဒ္ဓဟူးနေ့ ဖွားများနှင့် မိတ်လည်းမကျ၊ ရန်လည်း မမည်။
တနင်္လာနေ့ဖွား ဖြစ်လျှင်
တနင်္ဂနွေ၊ ဗုဒ္ဓဟူးနေ့ဖွားများနှင့် မိတ်ဖက်ဖြစ်သဖြင့်ပေါင်းသင်းဆက်ဆံပါ။ ရန်ဖက် မရှိချေ။ အင်္ဂါ၊ ကြာသပတေး၊သောကြာ၊ စနေနေ့ဖွားများနှင့် မိတ်မကျ၊ ရန်မကျချေ။
အင်္ဂါနေ့ဖွား ဖြစ်လျှင်
တနင်္ဂနွေ၊ တနင်္လာ၊ ကြာသပတေးနေ့ဖွားများနှင့် မိတ်ဖက်ဖြစ်သဖြင့်ပေါင်းသင်းဆက်ဆံပါ။ ဗုဒ္ဓဟူးနေ့ဖွားများနှင့် ရန်ဖက်ဖြစ် သဖြင့် ရှောင်ပါ။ သောကြာ၊ စနေနေ့ဖွား များနှင့် မိတ်မဟုတ်၊ ရန်လည်း မဟုတ်ချေ။
ဗုဒ္ဓဟူးနေ့ဖွား ဖြစ်လျှင်
တနင်္ဂနွေ၊ သောကြာနေ့ ဖွားများနှင့် မိတ်ဖက်ဖြစ်သဖြင့် ပေါင်းသင်းဆက်ဆံပါ။ တနင်္လာနေ့ဖွားများနှင့် ရန်ဖက်ဖြစ်သဖြင့် ရှောင်ပါ။ အင်္ဂါ၊ ကြာသပတေး၊ စနေနေ့ဖွားများနှင့် မိတ်ဖက် လည်း မဟုတ်၊ ရန်ဖက်လည်း မဟုတ်ချေ။
ရာဟုနေ့ဖွား ဖြစ်လျှင်
ဗုဒ္ဓဟူးနေ့၊ နေ့လယ် ၁၂ နာရီကျော်မှ ညနေ ၆ နာရီ အတွင်းဖွားဖြစ်လျှင် သောကြာ၊ စနေနေ့ဖွားများနှင့် မိတ်ဖက်ဖြစ် သဖြင့် ပေါင်းသင်းဆက်ဆံပါ။ တနင်္ဂနွေ၊ တနင်္လာ၊ အင်္ဂါနေ့ဖွားများနှင့် ရန်ဖက်ဖြစ်သ ဖြင့် ရှောင်ပါ။ ဗုဒ္ဓဟူး၊ ကြာသပတေး နေ့ဖွား များနှင့် မိတ်မကျ၊ ရန်မကျ ချေ။
ကိတ်နေ့ဖွား ဖြစ်လျှင်
ဗုဒ္ဓဟူးနေ့ ညနေ ၆ နာ ရီကျော်မှ ည ၁၂ နာရီအတွင်းဖွား ဖြစ်လျှင် ရာဟုနေ့ဖွားနှင့် မိတ်၊ ရန် အတူတူပင် ဖြစ်သည်။ စိတ်မကျ၊ ရန်မကျ နေ့ဖွားချင်းလည်း တူညီသည်။
ကြာသပတေးနေ့ဖွား ဖြစ်လျှင်
တနင်္ဂနွေ၊ တနင်္လာ၊ အင်္ဂါနေ့ဖွားများနှင့် မိတ်ဖက်ဖြစ်သဖြင့်ပေါင်းသင်းဆက်ပါ။ ဗုဒ္ဓဟူး၊သောကြာနေ့ဖွားများနှင့် ရန်ဖက်ဖြစ် သဖြင့် ရှောင်ပါ။ စနေနေ့ဖွားများနှင့် မိတ်မကျ၊ ရန်လည်း မကျချေ။
သောကြာနေ့ဖွား ဖြစ်လျှင်
ဗုဒ္ဓဟူး၊ စနေနေ့ဖွားများနှင့် မိတ်ဖက်ဖြစ်သဖြင့်ပေါင်းသင်းဆက်ဆံပါ။ တနင်္ဂနွေ၊ တနင်္လာနေ့ဖွားများနှင့် ရန်ဖက်ဖြစ် သဖြင့် ရှောင် ပါ။ အင်္ဂါ၊ ကြာသပတေးနေ့ ဖွားများနှင့် မိတ်မမည်၊ ရန်လည်း မမည်ချေ။
စနေနေ့ဖွား ဖြစ်လျှင်
ဗုဒ္ဓဟူး၊ သောကြာနေ့ ဖွားများနှင့် မိတ်ဖက်ဖြစ်သဖြင့် ပေါင်းသင်းဆက်ဆံပါ။ တနင်္ဂနွေ၊ တနင်္လာ၊ အင်္ဂါနေ့ဖွားများနှင့် ရန်ဖက်ဖြစ် သဖြင့်ရှောင်ပါ။ ကြာသပတေးနေ့ဖွားများနှင့်မိတ်မဟုတ်၊ ရန်လည်းမဟုတ်ချေ။ ချို့ယွင်းချက်အားဖြင့် မိမိနှင့် မိတ်ဖက် ကျသောနေ့နံ ဂြိုဟ်မှာ မိမိ၏ ဖွားဇာတာထဲတွင် နိစ်ဂြိုဟ်၊ ပြဂြိုဟ်အဖြစ် အားမရှိ သော်လည်းကောင်း၊ အာရီ-ဗျာယ၊ မရဏဘာဝသို့ ကျရောက်နေ သော်လည်းကောင်း မိမိနှင့် မိတ် ဖက်ဂြိုဟ် ဖြစ်နေသဖြင့် ပေါင်း သင်းဆက်ဆံနိုင်စေကာမူ သာမန် မျှသာ ကောင်း လျက် အကျိုးထူး မပေးနိုင်ချေ။ အနောက်တိုင်း နက္ခတ္တ ဗေဒပညာတွင် မွေးနံကို အထူး အထွေ ယူဆဟောပြောခြင်း မရှိပေ။
ဂြိုဟ်တို့၏ မိတ်၊ ရန်၊ မိတ် မကျ၊ ရန်မကျ အယူအဆလည်း လုံးဝမရှိပေ။ လူချင်းတူသော်လည်း မွေးနေ့ချင်း မတူသော အခါ ယောက်ျားချင်းပင် ဖြစ်စေ၊ မိန်းမ ချင်းပင်ဖြစ်စေ၊ ယောက်ျားနှင့် မိန်းမပင်ဖြစ်စေ မွေးနေ့ကို အခြေခံလျက် တစ်ဦးနှင့်တစ်ဦး မိတ်၊ ရန်ဖြစ်ပေါ်လာတတ်ပေရာ အရှေ့ တိုင်း အိန္ဒိယနက္ခတ္တဗေဒပညာဖြင့် မွေးနေ့အလိုက်မိတ်၊ ရန်ကိုရွေးချယ်နိုင်ကြပေ သ တည်း။
မောင်မောင်မြင့်သန်းမောင်
